काठमाडौं, वैशाख ९ । नेपालका लेग स्पिनर सन्दीप लामिछानेले एकदिवसीय अन्तर्राष्ट्रिय (ओडीआई) क्रिकेटमा सबैभन्दा छिटो १०० विकेट लिने खेलाडीको कीर्तिमान बनाएका छन् ।
एसीसी पुरुष प्रिमियर कपमा शुक्रबार ओमानविरुद्धको खेलमा आदिल शफिकको विकेट लिएपछि उनले यो उपलब्धि हासिल गरेका हुन् ।
लामिछानेले ४२ खेलमा १०० विकेट लिने कीर्तिमान पूरा गरेका छन् । यसअघि यो कीर्तिमान अफगानिस्तानका राशिद खानको नाममा थियो जसले ४४ खेलमा १०० विकेट लिएका थिए ।
त्यस्तै अष्ट्रेलियाका मिचेल स्टार्कले ५२ खेलमा सय विकेट लिएका छन् भने पाकिस्तानका सकलेन मुश्ताकले ५३ खेलमा १०० विकेट पुरा गरेका छन् ।
आफ्नो सफलताको खुसी मनाउँदै लामिछानेले आफ्नो फेसबुक पोस्टमा कीर्तिमान तोड्नै पर्ने बताएका छन् ।
“रेकर्डहरू तोड्नको लागि हो र म विश्वमा सबैभन्दा छिटो १०० ओडीआई विकेटको उपाधि हासिल गर्न पाउँदा गर्व गर्छु! यो उपलब्धि मेरो परिवार, समर्थकहरू, टोलीका साथीहरू र प्रशिक्षकहरूको अटल समर्थन बिना सम्भव थिएन जो मेरो यात्राभरि मेरो शक्तिको स्तम्भ थिए, ”उनले लेखे। “र, म मेरो क्षमताहरूमा कहिल्यै विश्वास नगुमाएकोमा र यो कोसेढुङ्गा हासिल गर्नको लागि आफूलाई सीमाभन्दा बाहिर धकेलिएकोमा म आफैलाई विशेष चिच्याउन चाहन्छु। यो ठूलो गर्व र कृतज्ञताको क्षण हो, र म भविष्यमा के हुन्छ भनेर हेर्न उत्साहित छु। ”
लामिछानेले सन् २०१८ मा नेदरल्यान्ड्स विरुद्ध एकदिवसीय क्रिकेटमा डेब्यु गरेका थिए । उनले डेब्यु खेलमै एक विकेट लिएका थिए ।
