काठमाडौं, वैशाख ९ । नेपालगन्जको भेरी अस्पतालमा कोभिड–१९ संक्रमणबाट एक जनाको मृत्यु भएको छ ।
राप्ती सोनारी गाउँपालिका–२ का ८६ वर्षीय पुरुषको उपचारका क्रममा मृत्यु भएको भेरी अस्पतालका प्रमुख डा प्रकाश थापाले जानकारी दिए ।
स्वास्थ्यमा समस्या देखिएपछि उनलाई भेरी अस्पताल लगिएको थियो । अप्रिल १४ मा उनी कोभिडबाट संक्रमित भएको पुष्टि भएको थियो। विगत एक सातादेखि उपचार गराइरहेका बिरामीलाई दमको समस्या रहेको बताइएको छ।
