कोलम्बो, वैशाख ९ । श्रीलंकाको जनगणना र तथ्याङ्क विभागका अनुसार देशको मुद्रास्फीति मार्चमा ४९.२ प्रतिशतमा झरेको छ जुन यस वर्ष फेब्रुअरीमा ५३.६ प्रतिशत थियो । यो विवरण शुक्रबार सार्वजनिक गरेको हो ।
विभागले राष्ट्रिय उपभोक्ता मूल्य सूचकाङ्क सार्वजनिक गर्दै यस अवधिमा खाद्य मुद्रास्फीति ४९ प्रतिशतबाट ४२.३ प्रतिशत र गैर खाद्य मुद्रास्फीति ५७.४ प्रतिशतबाट ५४.९ प्रतिशतमा झरेको जनाएको छ । फेब्रुअरी महिनाको तुलनामा मार्चमा चामल, तरकारी, ताजा माछा, आलु, दाल, सुक्खा माछा, कुखुरा, मसलालगायत खाद्यवस्तुको मूल्य घटेको विभागले जनाएको छ ।
तर, नरिवल, अण्डा, नरिवलको तेल, हरियो चना, चामलको पिठो, चियालगायतका वस्तुको मूल्य भने बढेको छ। विभागका अनुसार गैरखाद्य वर्गमा कपडा, जुत्ता र घरको मूल्य बढेको छ भने पानी, बिजुलीलगायतका उपयोगिताको मूल्य पनि बढेको छ ।
