काठमाडौं, चैत २९ । स्वास्थ्य तथा जनसङ्ख्या मन्त्रालयले मुलुकमा कोभिड–१९ को सङ्क्रमण बढ्दै गएपछि विभिन्न स्वास्थ्य संस्थालाई तयारी अवस्थामा बस्न निर्देशन दिएको छ । पछिल्लो समय कोभिड-१९ का दैनिक सङ्क्रमणको ग्राफ बढ्दै गएपछि यो दिशा आएको हो।
छिमेकी भारतमा पाइने कोभिड-१९ को उत्परिवर्तित ओमिक्रोन सब-भ्यारियन्ट XBB1.16.1 का केसहरू पछिल्लो समय नेपालमा पनि रेकर्ड भएका छन्।
इपिडिमियोलोजी तथा रोग नियन्त्रण महाशाखाका निर्देशक डा चुमनलाल दासका अनुसार कोभिड–१९ को पछिल्लो संस्करण थप संक्रामक भएकाले सम्भावित अवस्थालाई मध्यनजर गर्दै अस्पतालहरूलाई तयारी अवस्थामा रहन निर्देशन दिइएको छ ।
वीर अस्पताल, शुक्रराज ट्रपिकल तथा सरुवा रोग अस्पताल, त्रिवि शिक्षण अस्पताल, पाटन स्वास्थ्य विज्ञान प्रतिष्ठान, निजामती सेवा अस्पताल, सशस्त्र प्रहरी बल अस्पताल र नेपाल प्रहरी अस्पताललाई स्थिति व्यवस्थापनका लागि तयार रहन निर्देशन दिइएको छ ।
मंगलबार, एक व्यक्तिको कोभिड-१९ को मृत्यु भयो, जुन तीन महिनामा भाइरसबाट पहिलो मृत्यु हो।
वीर अस्पतालका निर्देशक डा सन्तोष पौडेलले पछिल्लो समय कोभिड–१९ को सङ्क्रमण बढ्दै गएकाले त्यसको प्रतिकार्यका लागि तयार रहन निर्देशन दिइएको बताए ।
शुक्रराज ट्रपिकल तथा सरुवा रोग अस्पतालका प्रमुख सल्लाहकार चिकित्सक डा विमल चालिसेले संक्रमणको सम्भावित जोखिमलाई लिएर आफूहरु सचेत रहेको र सोही अनुसार तयारी भइरहेको बताए । ‘आत्तिनुपर्ने अवस्था छैन, तर सम्भावित जोखिमप्रति सचेत हुनुपर्छ,’ उनले भने, ‘अहिले अस्पतालमा कोभिड–१९ को भेन्टिलेटर र दुई आईसीयू केस रिपोर्ट गरिएको छ ।
बुधवार, देशमा कोभिड-१९ का १२१ नयाँ घटनाहरू रिपोर्ट गरिएको छ। हाल २५ जना आइसोलेसनमा, ११ जना आईसीयू केयरमा र तीन जना भेन्टिलेटर सपोर्टमा रहेका छन् । महाशाखाले बुधबारदेखि नेपाल–भारत सीमामा कोभिड–१९ जाँचलाई कडाइ गरेको जनाएको छ ।
