काठमाडौं, मंसिर १ । आजदेखि काठमाडौं, भक्तपुर र ललितपुरका सबै स्थानीय तहमा ‘पशु वधशाला तथा मासु जाँच ऐन, २०५५’ कार्यान्वयनमा आएको छ। उपभोक्तालाई स्वच्छ, स्वस्थ र गुणस्तरीय मासु उपलब्ध गराउने उद्देश्यले सरकारले ऐन लागू गरेको हो।
ऐन कार्यान्वयनको सुरुवात काठमाडौंको भ्याली कोल्ड स्टोर, भक्तपुरको मध्यपुर थिमिस्थित न्यु पञ्चकन्या वधशाला र ललितपुरको एभरेस्ट बंगुर वधशालाबाट मासु जाँच तथा छाप लगाउने प्रक्रियासहित गरिएको छ।
सरकारले ऐनलाई तीन चरणमा लागू गर्ने योजना बनाएको छ। आगामी १ माघदेखि महानगरपालिका, उपमहानगरपालिका र नगरपालिकामा तथा २०८४ साउन १ देखि देशभरका बाँकी गाउँपालिकामा ऐन कार्यान्वयन गरिनेछ।
उपत्यकाका सबै स्थानीय तहमा पूर्ण कार्यान्वयनका लागि २४० मासु निरीक्षक र १२ वटा कार्यदल परिचालन गर्ने तयारी गरिएको छ।छोरी आयंकालाई प्रियंकाले लगाइदिइन् भाइटीका, सामाजिक सञ्जालमा पक्ष–विपक्षमा बहस
Published Date: 17 November 2026