काठमाडौं, चैत २१ । नेपाल राष्ट्र बैंकले भर्चुअल मुद्रा/क्रिप्टोकरेन्सी, पिरामिडमा आधारित नेटवर्क मार्केटिङ र हाइपर फण्डमा गरेको लगानी गैरकानुनी भएको जनाएको छ ।
नेपाल राष्ट्र बैंकका अनुसार यस्ता लगानीलाई नेपालमा कानुनी मान्यता नपाएको र सरकारबाट ग्यारेन्टी पनि बैंकले जारी नगरेको र कुनै किसिमको सुरक्षासमेत नभएको जनाएको छ ।
केन्द्रीय बैंकले सोमबार एक सूचना जारी गर्दै विदेशी विनिमय (नियमन) ऐन, २०१९ र विदेशी लगानी निषेध ऐन, २०२१ बमोजिम यस्तो कारोबार गैरकानूनी भएको बताएको छ ।
“भर्चुअल मुद्रा/क्रिप्टो मुद्रा (सिक्का), नन फन्जिबल टोकन, नेपालमा विदेशी मुद्रा वा मुद्राको रूपमा विकेन्द्रीकृत वित्तले कानुनी मान्यता पाएको छैन,” राष्ट्र बैंकले भन्यो।
साथै केन्द्रीय बैंकले यस्तो कारोवारमा सम्पत्ति शुद्धीकरण र आतंकवादी गतिविधिमा लगानी, जालसाजी, कर छली, लगानी असुरक्षा, पूँजी उडान, मूल्य अस्थिरता र उतारचढाव, सट्टा सम्वन्धी जोखिम रहेको जनाएको छ ।
यसबाहेक, केन्द्रीय बैंकले पिरामिडमा आधारित नेटवर्क मार्केटिङ र हाइपर फन्डमा सम्पत्ति शुद्धीकरण र आतङ्ककारी गतिविधि, जालसाजी, कर छली, लगानी असुरक्षा, पूँजी उडान, मूल्य अस्थिरता र उतार-चढाव र अनुमान सम्बन्धी जोखिमहरू निहित रहेको बताएको छ।
नेपाल राष्ट्र बैंकले नेपालमा रहेका नेपाली तथा विदेशी नागरिक लगायत नेपाल बाहिर बसोबास गर्ने सबै नेपाली नागरिक र नेपालमा दर्ता भएका तर नेपाल बाहिर सञ्चालित व्यवसायीले विदेशमा लगानी भएको कुनै पनि प्रकारको व्यवसाय गर्न नपाउने बताएको छ ।
