विराटनगर, चैत ६ । विराटनगर महानगरपालिकाले क्रिकेट खेलाडी ललित राजवंशी र दिपेश कँडेललाई जनही एक लाख रुपैयाँसहित सम्मान गर्ने निर्णय गरेको छ ।
राष्ट्रिय टोलीका सदस्य राजवंशी र यू–१९ टोलीका सदस्य कँडेललाई सम्मान गर्ने निर्णय भएको महानगरले जनाएको छ ।
नेपाली क्रिकेट टोलीलाई विश्वकप छनोटमा पुर्याउन महत्वपूर्ण भूमिका खेलेका राजवंशी र नेपाललाई विश्वकप छनोटमा पुर्याउन महत्वपूर्ण भूमिका खेलेका कँडेललाई टोपी लगाएर सम्मान गर्ने निर्णय गरिएको मेयर नागेश कोइरालाको सचिवालयले जनाएको छ ।
