काठमाडौं, फागुन २८ । आइसिसी विश्वकप लिग–२ क्रिकेट अन्तर्गत आइतबार भएको एकदिवसीय खेलमा नेपालले युएईलाई पराजित गरेको छ । नेपाललाई जितका लागि २४९ रनको लक्ष्य दिएको युएई २२ दशमलव ५ ओभरमा ७१ रन बनाएर अलआउट भई खेल १७७ रनले पराजित भयो ।
यो जितसँगै नेपालले एकदिवसीय क्रिकेट खेल्ने राष्ट्रको पहिचान अक्षुण्ण राख्न सफल भएको छ । ३४ खेलबाट ३६ अंक जोड्दै नेपाल लिग तालिकाको चौथो स्थानमा पुग्न सफल भएको छ । यो हारसँगै युएईले एकदिवसीय मान्यता बचाउन प्लेअफ खेल्नुपर्नेछ ।
आजको जितपछि नेपालले बाँकी दुई खेल जितेर शीर्ष तीनमा पुग्ने सम्भावना बलियो बनाएको छ । नेपाल अहिले लिग तालिकाको तेस्रो स्थानमा रहेको नामिबियाभन्दा तीन अंकले पछि छ । बाँकी दुई खेल जितेर नेपालले नामिबियालाई उछिनेको छ ।
