काठमाडौं, फागुन २४ । देशकै पहिलो दुई महिला पाइलटले काठमाडौंबाट दुबई उडेको नेपाल वायु सेवा निगम (नेपाल एयरलाइन्स) को एयरबस ए–३२० जहाज बुधबार काठमाडौं फर्किएको छ ।
दुई महिला पाइलटसहित नेपालको पहिलो अन्तर्राष्ट्रिय उडानका लागि निगमको विमान शनिबार दुबई उडेको थियो । उक्त उडान क्याप्टेन भावना पन्त र को-पाइलट सिर्जना राउतको टोलीले गरेको थियो ।
बुधबार बिहान ४ः५५ मा दुबईबाट काठमाडौंका लागि उडेको विमान बुधबार बिहान १०ः३५ बजे काठमाडौं अवतरण गरेको निगमले जनाएको छ ।
बुधबार ११३औँ अन्तर्राष्ट्रिय महिला दिवसको अवसरमा एयरलाइन्सले सबै महिला चालक दलका सदस्यसहित अन्तर्राष्ट्रिय उडान गर्ने निर्णय गरेको हो ।
महिला टोलीलाई संस्कृति, पर्यटन तथा नागरिक उड्डयनमन्त्री सुदन किरातीले त्रिभुवन अन्तर्राष्ट्रिय विमानस्थलमा स्वागत गरेका थिए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
