काठमाडौं, फागुन २४ । प्रधानमन्त्री पुष्पकमल दाहाल र नेकपा महासचिव नेत्रविक्रम चन्दबीच भेटवार्ता भएको छ ।
बुधबार बिहान प्रधानमन्त्रीको सरकारी निवास बालुवाटारमा भेटवार्ता भएको हो । चन्दको सचिवालयले मुलुकको पछिल्लो राजनीतिक घटनाक्रमबारे गम्भीर छलफल र समीक्षा भएको जनाएको छ । भेटमा नेकपाका प्रवक्ता खड्गबहादुर विश्वकर्मा पनि सहभागी थिए ।
नेकपा (माओवादी केन्द्र)का अध्यक्षसमेत रहेका प्रधानमन्त्री दाहालविरुद्ध अदालतमा मुद्दा दर्ता भएपछि माओवादीका विभिन्न गुटबीचको बहस बढेको छ । हिजो आठ विभिन्न माओवादी गुटले संयुक्त विज्ञप्ति जारी गर्दै द्वन्द्वकालको मुद्दा अदालतमा पुर्याएपछि सामूहिक प्रतिक्रिया दिने चेतावनी दिएका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
