मुम्बई, फागुन २१ । शाहरुख खानको पछिल्लो फिल्म ‘पठान’ १ हजार २६ करोड भारतीय रुपैयाँ संकलन गरेको छ । गत जनवरी २५ देखि प्रदर्शनमा आएको पठानले हिन्दी फिल्मकै इतिहासमा सबैभन्दा बढी रकम संकलन गरेर कीर्तिमान कायम गरेको हो ।
यसअघि दक्षिण भारतीय फिल्म बाहुबली–२ र केएफजी–२ ले बनाएको हजार करोडभन्दा माथिको कीर्तिमानलाई तोड्दै बलिउडको पठानले सबैभन्दा बढी रकम संकलन गर्ने नयाँ कीर्तिमान कायम गरेको हो । यो फिल्ममा शाहरुख खानसंगै दीपिका पादुकोण तथा जोन अब्राहम मुख्य भूमिकामा छन् ।
बाइकट बलिउड ट्रेण्डलाई परास्त गर्दै पठानले कीर्तिमानी कलेक्सन कायम गरेपछि बलिउडमा उत्साह छाएको छ । दक्षिणी फिल्महरुले भारतमा कब्जा जमाउन थालेपछि चिन्तित बलिउडकर्मीलाई पठानको कीर्तिमानी आम्दानीसँगै साहस बढेको समीक्षकहरुको टिप्पणी छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
