बिर्तामोड, फागुन १८ । प्रतिनिधिसभाका उपसभामुख इन्दिरा राणा मगरले नेपालमा राज्यका निकायमा महिला सहभागिता उत्साहजनक रहेको बताएकी छिन्।
बिर्तामोडस्थित एक कार्यक्रमलाई सम्बोधन गर्दै उपसभामुखले ठूला र विकसित राष्ट्रभन्दा पनि राज्यका निकायमा महिला सहभागिता उत्साहजनक रहेको बताइन् ।
“अधिकांश विकसित देशहरूमा महिलाको प्रतिनिधित्व ५ देखि २५ प्रतिशत छ। नेपालमा संविधानले राज्यका निकायमा ३३ प्रतिशत महिला सहभागिता सुनिश्चित गरेको छ र यसलाई बढाएर ५० प्रतिशत पुर्याउनुपर्छ।”
उनले महिला अधिकारको अवस्था सुधार गर्न र लैङ्गिक समानता हासिल गर्न अझै लामो यात्रा गर्न बाँकी रहेको बताइन् । हरेक क्षेत्रमा महिलाको सहभागिता प्रवद्र्धन गर्नुपर्ने आवश्यकता औँल्याउदै उनले विसंगति विरुद्धको कारबाहीमा जोड दिनु पर्ने बताइन् ।
राजनीतिमा महिलाको उपस्थितिलाई ‘रबर स्ट्याम्प’का रूपमा मूल्याङ्कन गर्ने उपसभामुखका अनुसार राज्यका निकायमा महिला सहभागिताका लागि लैङ्गिकता, अपाङ्गता र भूगोल पनि दिशानिर्देश हुनुपर्छ ।
