काठमाडौं, फागुन १५ । नेपालले पेरिस ओलम्पिक २०२४ को महिला फुटबल छनोटको पहिलो चरणको खेल आयोजना गर्ने भएको छ ।प्रतियोगिताको समूह ‘सी’ मा नेपाल अफगानिस्तान र भियतनामसँगै रहेको अखिल नेपाल फुटबल संघ (एन्फा)ले जनाएको छ ।
त्रिपुरेश्वरस्थित दशरथ रंगशालामा वैशाख ३ देखि ११ गतेसम्म पहिलो चरणका खेल हुनेछन् । पहिलो चरणमा सहभागी २६ टोलीलाई सात समूहमा विभाजन गरिएको छ । यसअघि छनोटको तयारी अन्तर्गत नेपालले भारतसँग दुई मैत्रीपूर्ण खेल खेलेको थियो ।
