काठमाडौं, चैत ३० । नेपाल टेलिकमले नयाँ वर्ष २०८३ को अवसरमा प्रिपेड तथा पोस्टपेड मोबाइलका ग्राहकलाई अफर ल्याएको छ।
कम्पनीले न्यु इयर लाइट र न्यु इयर प्रिमियम डेटा प्याकेज उपलब्ध गराउने भएको हो।
न्यु इयर लाइट अन्तर्गत ४९९ रुपैयाँमा प्रतिदिन ५ जीबी डेटा उपलब्ध हुनेछ र ५ जीबीको लिमिट पूरा भएपछि पनि बाँकी समय २ एमबीपीएस स्पिडमा अनलिमिटेड डेटा प्रयोग गर्न सकिने छ। त्यसैगरी न्यु इयर प्रिमियम अन्तर्गत ६९९ रुपैयाँमा प्रतिदिन १० जीबी डेटा उपलब्ध हुनेछ।
१० जीबीको लिमिट पूरा भएपछि पनि बाँकी समय ३ एमबीपीएस स्पिडमा अनलिमिटेड डेटा प्रयोग गर्न सकिनेछ । दुवै प्याकेज चलाउन सकिने समय ३० दिनको हुनेछ।
अफर अन्तगर्ग आज ३० चैतदेखि २ वैशाख २०८३ सम्म प्याकेज खरिद गर्न सकिनेछ । पोस्टपेड मोबाइल प्रयोगकर्ताले लिएको प्याकेजको शुल्क मासिक रेन्टल चार्जमा समावेश हुनेछ।
अफर प्राप्त गर्नका लागि मोबाइलमा *1415*11# डायल गर्नुपर्ने हुन्छ। नेपाल टेलिकमको एप र वेबसाइटबाट पनि प्याकेज खरिद गर्न सकिनेछ ।
