काठमाडौं, माघ ११ । न्यून चापीय प्रणालीको प्रभावका कारण काठमाडौं उपत्यका सहित देशभरको मौसम बदली भएको छ।
आइतबार बिहान सुदूरपश्चिम र कर्णाली प्रदेशका केही स्थानमा वर्षा समेत भएको जल तथा मौसम पूर्वानुमान महाशाखाले जनाएको छ।
दिउँसो देशका उच्च पहाडी तथा हिमाली भू-भागमा साधारणतया बादल लाग्ने तथा बाँकी भू-भागमा आंशिक बादल लाग्नेछ। कोशी, गण्डकी र कर्णाली प्रदेशका उच्च पहाडी तथा हिमाली भू-भागका थोरै स्थानहरूमा तथा बाँकी उच्च पहाडी तथा हिमाली भू-भागका एक-दुई स्थानमा हल्का हिमपात/वर्षाको सम्भावना रहेको छ।
शनिबार देशको पश्चिमी क्षेत्रको विभिन्न जिल्लाहरूमा हिमपात समेत भएको थियो। काठमाडौं उपत्यकाको हावाको गुणस्तर खराब हुँदा घर बाहिर निस्कँदा मास्कको प्रयोग गर्न विज्ञहरुले सल्लाह दिएका छन्।
