काठमाडौँ, भदौ १३ । सुनको मूल्य पहिलोपटक तोलाको २ लाख नाघेको छ । आजको कारोबारमा मूल्य बढेसँगै नेपाली बजारमा सुनले २ लाखको आँकडा पार गरेको हो ।
नेपाल सुनचाँदी व्यवसायी महासंघका अनुसार आज अघिल्लो दिनको तुलनामा सुनको भाउ १२ सय रुपैयाँले बढेको छ । यो वृद्धिसँगै सुनको भाउ प्रतितोला २ लाख ६ सय रुपैयाँ कायम भएको छ । यो मूल्य हालसम्मकै उच्च हो ।
यसअघि भदौ १२ र साउन २३ गते सुनको मूल्य प्रतितोला १ लाख ९९ हजार ४ सय रुपैयाँ कायम थियो । आज चाँदीको भाउ पनि बढेको छ । चाँदी ५ रुपैयाँले बढ्दै प्रतितोला २ हजार ३६० रुपैयाँ कायम भएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
