भक्तपुर, फागुन ५ । भक्तपुर युवा टीमको आयोजनामा आजबाट दोश्रो भक्तपुर कप – २०७९ फुटबल प्रतियोगिता सुरु हुँदैछ। भक्तपुरको महेश्वरी खेल मैदान, हनुमानघाटमा हुने सो प्रतियोगिता अहिले बिहान प्रतिनिधि सभाका संसाद प्रेम सुवालले उद्घाटन गर्ने कार्यक्रम रहेको छ ।
प्रतियोगिताको उद्घाटन खेल आयोजन भक्तपुर युवा टिम र बौद्ध एफसी काठमाडौंबीच हुनेछ । प्रतियोगितमा काठमाण्डौ उपत्यका (काठमाण्डौ, भक्तपुर, ललितपुर ) बाट १६ वटा टोलीको सहभागीता रहेको छ । जस्मा ग्रुप ए र ग्रुप बि दुई वटा समुह हुन्छ र प्रत्येक समूहबाट नकआउट बाट १-१ गरि दुईवटा टोली फाइनलमा प्रतिस्पर्धा हुनेछ ।
यस प्रतियोगिताका विजेता टोलीले रु.१,२५,००० नगद पुरस्कारका साथै ट्रफी तथा प्रमाण पत्र पाउनेछन भने उपविजेतालाई रु ६०,००० नगद पुरस्कार साथै पदक तथा प्रमाण पत्र पाउनेछन् । त्यसैगरी सर्वोकृष्ट खेलाडीले रु १०००० नगद पुरस्कार र प्रत्येक म्याचको म्यान अफ डि म्याच र राइजिङ प्लेयर घोषणा तथा नगद पुरस्कार प्रदान गरिने छ । साथै सर्वोकृष्ट फर्वाड , मिडफिल्डर, डिफेन्डर, गोलकिपर तथा कोच प्रत्येकलाई रु ५००० र ट्रफी प्रदान गरिने कुरा प्रतियोगिताका संयोजक सुरेश कवांले जानकारी दिए।
