काठमाडौं, फागुन ५ । काठमाडौंको कीर्तिपुरस्थित त्रिवि क्रिकेट मैदानमा जारी आइसिसी क्रिकेट विश्वकप लिग २ अन्तर्गत नेपाल र स्कटल्याण्डबीचको खेलमा सट्टेबाजीमा संलग्न भएको आशंकामा प्रहरीले एक नेपाली युवालाई पक्राउ गरेको छ ।
नेपाल र स्कटल्याण्डबीचको खेलमा अनलाइन सट्टेबाजीमा संलग्न रहेको आशंकामा पक्राउ गरी प्राविधिक अनुसन्धान भइरहेको नेपाल प्रहरीको केन्द्रीय अनुसन्धान ब्यूरो (सिआइबी)का प्रवक्ता एसपी सञ्जयसिंह थापाले जानकारी दिए ।
पक्राउ परेकाको परिचय भने प्रहरीले खुलाएको छैन ।
आजको खेलमा स्कटल्याण्डले नेपाललाई जितका लागि २७५ रनको लक्ष्य दिएको छ । यो समाचार लेख्दासम्म नेपालले दोस्रो ओभरमा एक विकेट गुमाएर ३१ रन बनाएको थियो ।
Published Date: 17 February 2023
