काठमाडौं, भदौ ११ । अन्तिम १५ मिनेटको औषत कारोबारमा जालझेल भएको भन्दै लगानीकर्ताले असन्तुष्टि जनाउन थालेपछि नेपाल स्टक एक्सचेन्ज (नेप्से)ले यस विषयमा प्रष्ट पारेको छ ।
अन्तिम १५ मिनेटको औषत गणना वैज्ञानिक भएको दाबी नेप्सेको छ । यसअघि अन्तिम कारोबार मूल्यलाई नै त्यस दिनको अन्तिम कारोबार मूल्य मानिथ्यो । तर धितोपत्र बोर्डबाट स्वीकृत गराई नेप्सेले २०८१ चैत ७ गतेदेखि अन्तिम १५ मिनेटको कारोबारलाई औषत मूल्यमा गणना गर्न थालेको थियो ।
अन्तिम १५ मिनेटमा फरक-फरक मूल्यमा भएको कारोबारलाई उक्त समयमा भएको पटकले भाग गर्दा आउने योगफललाई अहिले अन्तिम कारोबार निर्धारण गर्ने गरेको छ । यसलाई लगानीकर्ताले जालझेल गरेको भन्दै विरोध गरिरहेका छन् ।
नेप्सेका प्रवक्ता मुराहरि पराजुलीले कुनै बदमासी नभएको भए पनि योगफल निकाल्ने समयमा एकरुपता नहुँदा लगानीकर्ताले शंका गरेको बताए । उनले भने, ‘बम्बे स्कटको १० मिनेट हो, हाम्रोमा १२ मिनेटमा दिने भने पनि १५ देखि २५ मिनेट लाग्दा लगानीकर्ता सशंकित भएका हुन् ।’
Published Date: 27 August 2025
