काठमाडौँ, साउन १९ । सेयर बजारमा तीन दिनको गिरावट पछि आज वृद्धि देखिएको छ । साताको दोस्रो कारोबार दिन आज नेपाल स्टक एक्सचेञ्च (नेप्से) दोहोरो अंकले बढेको छ ।
आज नेप्से परिसूचक ०.३० प्रतिशत अर्थात ८.६२ अंकले बढेर २ हजार ८६७.५२ विन्दुमा पुगेको छ । यो दिन बलिया र राम्रा कम्पनीको मापक सेन्सेटिभ इन्डेक्स पनि ०.८४ प्रतिशतले बढेर ४९४.८७ विन्दुमा पुगेको छ । यो दिन नेप्सेमा सूचीकृत मध्ये ३२५ वटा स्क्रिप्टको २ करोड ७१ लाख ६९ हजार ७५५ कित्ता सेयर १० अर्ब ८२ करोड २४ लाख रुपैयाँभन्दा बढीको कारोबार भएको छ ।
अघिल्लो दिन भने १३ अर्ब बढीको सेयर कारोबार भएको थियो ।
Published Date: 04 August 2025
