काठमाडौँ, साउन ५ । गत असार २३ गते राती चीनतर्फबाट भोटेकोशी नदीमा आएको बाढीले पुर्याएको क्षतिको कारण बीमा कम्पनीहरूमा २८ करोड ९२ लाख रूपैयाँको दाबी परेको छ।
सामान ल्याउँदा गरिने सामुद्रिक बीमा बापत १५ करोड ७० लाख, इन्जिनियरिङ र ठेकेदार जोखिमबापत पाँच करोड ५५ लाख रूपैयाँको दाबी परेको छ।
सम्पत्ति बीमा बापत चार करोड १० लाख रूपैयाँ, सार्वजनिक मोटर बीमा बापत दुई करोड ३१ लाख र निजी बीमा बापत एक करोड १७ लाख रूपैयाँ बराबरको दाबी परेको हो।
२८ करोड ९२ लाख दाबी पर्दा शिखर इन्सुरेन्समा मात्रै १६ करोड १२ लाख रूपैयाँको दाबी परेको छ। त्यसपछि सबैभन्दा धेरै नेको इन्सुरेन्समा पाँच करोड १२ लाख रूपैयाँको दाबी परेको थियो।
असार २३ गते राति चीन तर्फबाट भोटेकोशी नदीमा आएको बाढीले चीन र नेपाल जोड्ने मितेरी पुल, रसुवागढी भन्सार कार्यालय परिसर र त्यहाँ रहेका गाडीहरू बगाएका छन्।
