काठमाडौँ, असार २३ । अन्तर्राष्ट्रिय बजारमा सुनको मूल्यमा गिरावट आएको छ । आज सुनको भाउ ०.७९ प्रतिशत अर्थात २६.३७ डलरले घटेको छ ।
यो गिरावटसँगै यतिबेला सुनको कारोबार प्रतिऔंस ३ हजार ३१० डलरमा भईरहेको छ । सोमबार अमेरिकी राष्ट्रपति डोनाल्ड ट्रम्पले थुप्रै व्यापारिक सम्झौता र विभिन्न देशहरुलाई घोषणा गरिएको ट्यारिफको समयसिमा लम्बाउने संकेत गरेसँगै बहुमूल्य धातु सुनको मूल्यमा गिरावट आएको हो ।
ट्रम्पले विभिन्न देशहरुसँगको व्यापारिक सम्झौता अन्तिम चरणमा रहेको र उच्च ट्यारिफ लगाएका देशहरुलाई नयाँ ट्यारिफ दर जुलाई ९ मा घोषणा गरिने र यो अगस्ट १ देखि लागू हुने बताएका छन् । .
आज चाँदीको भाउ समेत ओरालो लागेको छ । चाँदी आज ०.१५ डलरले घट्दै प्रतिऔंस ३६.७८ डलर कायम भएको छ ।
