काठमाडौं, फागुन ३ । ग्वार्कोमा ‘फ्लाइओभर’ निर्माण कार्य सुरु भएको छ। कोटेश्वरदेखि कलङ्कीसम्म मुख्य जाम हुने तीन ठाउँमा ‘फ्लाइओभर’ निर्माण गर्ने योजनाअनुसार ग्वार्को चोकमा ‘फ्लाइओभर’ निर्माण गर्न लागिएको हो। सो निर्माण सम्पन्न हुने १४ महिना लाग्ने लक्ष्य रहेको छ।
फ्लाइओभर को उचाइ ६ मिटर को रहनेछ जुन अन्तर्राष्ट्रिय मापदण्डअनुसार निर्माण गरिनेछ। कुल ४५५ मिटरको लम्बाइ हुने फ्लाइओभरमा ग्राउण्ड क्लियरेन्स ६ मिटर हुनेछ भने फ्लाइओभरमा सवारी साधन चढ्नका लागि १८० मिटर दायाँतर्फ र ११० मिटर बायाँतर्फ र्याम्प निर्माण गरिनेछ ।
सुरुमा ब्यारेकेडहरू राखेर काम सुरु गरिनेछ । काठमाडौंको धेरै सवारी जाम हुने क्षेत्रमध्ये ग्वार्को पनि एक हो ।
