काठमाडौं, जेठ २६ । सोमबार नेप्से परिसूचक २७.२९ विन्दुले बढेर २६५७.१९ अंकमा आएको छ । आज ८ अर्ब ६८ करोड रुपैयाँभन्दा बढीको सेयर कारोबार छ । अन्य र हाइड्रोपावर समूहमा बढी उत्साह देखिएको छ । ५ वटा कम्पनी सकारात्मक सर्किट लेबलमा कारोबार भएका छन् ।
आज ३ सय २४ कम्पनीको १ करोड ७५ लाखभन्दा बढी कित्ता सेयर कारोबार भएको छ । ६२ करोड २८ लाख रुपैयाभन्दा बढीसहित कारोबार रकममा राधी हाइड्रोपावर अग्रस्थानमा रहेको छ ।
यसैगरी, दोस्रो र तेस्रो स्थानमा क्रमशः युनिभर्सल पावर र बुटवल पावर परेका छन् ।
