काठमाडौं, फागुन १ । नेपाली राष्ट्रिय भलिबल टोलीको मुख्य प्रशिक्षकमा बेल्जियमका जान डी ब्रान्डट नियुक्त भएका छन् । नेपाल भलिबल संघका महासचिव रोशन श्रेष्ठले अन्तर्राष्ट्रिय भलिबल महासंघको प्राविधिक सहयोगमा राष्ट्रिय टोलीको भलिबल प्रशिक्षकमा नियुक्त भएको पुष्टि गरेका छन् ।
बेल्जियमका जान डी ब्रान्ड ६ महिनाका लागि नेपालको प्रशिक्षकमा नियुक्त भएका छन् । उनको कार्यकाल मार्चदेखि अगस्टसम्मको हुनेछ र उनी नेपालको पुरुष तथा महिला दुवै टोलीमा हुनेछन् । जानले आगामी सेप्टेम्बरमा हुने एसियाली खेलकुदसम्म नेपालको प्रशिक्षकको रुपमा काम गर्नेछन् ।
