मुम्बई, फागुन १९ । बलिउडका लोकप्रिय खलनायकहरूको सूची तयार पारिँदा त्यसमा डेनी डेन्जोङ्पाको नाम कहिले पनि छुट्दैन । उनले बलिउडमा बनाएको प्रभावशाली खलनायकको छविका कारण उनलाई आज पनि दर्शकले उत्साहित हुँदै सम्झन्छन् ।
२५ फेब्रुअरी १९४८ मा हिन्दी फिल्मका उत्कृष्ट अभिनेता डेनी डेन्जोङ्पाको जन्म सिक्किमको एक धनी परिवारमा भएको हो ।
डेनीले आफ्बो पढाइ पूरा गरेपछि पुणेको फिल्म एण्ड टेलिभिजन इन्स्टिट्युट अफ इण्डियामा अभिनय सिके । त्यहाँ उनको भेट जया बच्चनसँग भयो र उनीहरू अभिनय सिक्ने क्रममा नजिकका साथी बने ।
रोचक कुरा के छ भने, डेनी नाम पनि उनलाई जया बच्चनले नै दिएकी थिइन् । डेनीको नामले चिनिनु अगाडि उनको नाम शेरिङ फिन्ट्सो डेन्जोङ्पा थियो । पछि, शेरिङ फिन्टसोले डेनी नामबाटै बलिउडमा आफ्नो पहिचान बनाए ।
रोचक कुरा के हो भने डेनी बलिउडमा अभिनयको अवसर खोजिरहेका थिए, यहि क्रममा उनी निर्देशक मोहन कुमारको घरमा पुगे । उनले फिल्ममा काम माग्दा, मोहन कुमारले उनलाई बंगला सुरक्षाका लागि गार्ड बन्न सल्लाह दिए ।
यो अपमानलाई डेनीले कहिल्यै बिर्सन सकेनन् । जब उनले फिल्म उद्योगमा ठूलो सफलता प्राप्त गरे, उनले मोहन कुमारको घर नजिकै ठूलो बंगला किनेर आफ्नो अपमानको जवाफ दिएको कुरा अति नै रोचक रहेको छ ।
अभिनयमा मात्र नभइ डेनी उत्कृष्ट गायक र बाँसुरीवादक पनि हुन् । नेपाली फिल्महरूका लागि पनि उनले धेरै गीत गाएका छन् । सुन कथा एउटा गीत हार हो कि मेरो जीत उनले गाएको एउटा लोकप्रिय नेपाली गीत हो ।
उनले हिन्दी फिल्मका लागि प्लेब्याक सिङ्गिङ पनि गरेका छन् । लता मंगेशकर, किशोर कुमार, मोहम्मद रफी र आशा भोसलेसँग पनि उन
Published Date: 03 March 2025
