भक्तपुर, माघ १७ । भक्तपुर जिल्लाको उद्योग तथा वाणिज्य कार्यालयको प्रमुख उद्योग अधिकृतमा राम प्रसाद कुस्मा नियुक्त भएका छन्।
भक्तपुर को सूर्यविनायक बस्ने कुस्माले निजामति क्षेत्रमा विसं २०६३ सालमा प्रवेश गरेका हुन्। उनले घरेलु तथा साना उद्योग कार्यालय काभ्रेमा प्रमुख अधिकृत भएर पनि सेवा गरेका थिए। यो संगै विगतमा स्थानीय तहमा प्रमुख प्रशासकीय अधिकृत भएर पनि सेवा गरे।
कार्यालय प्रमुखमा नियुक्त भैसकेपछि कुस्माले भक्तपुर जिल्लामा रहेका घरेलु तथा साना उद्योग, वाणिज्य, ब्यापार, व्यवसायलाई सहज ढंगले संचालन गर्न र प्रवर्द्वन गर्न विभिन्न कार्यक्रम ल्याउने र कार्यालयको कार्य सम्पादन अझ प्रभावकारी बनाउने बताएका छन्। आइकन खबरसंगको कुराकानीमा कुस्माले जिल्लामा रहेका उद्यमीहरुको हितमा आफ्नो कार्यकाल सम्हाल्ने पनि बताए।
Published Date: 30 January 2025
