भक्तपुर, माघ २८ । भक्तपुर बुक क्लबको नियमित कार्यक्रम लेखकसँगको अन्तरसंवादको नविन शृंखला आगामी फागुन ५ गते शुक्रबार हुने भएको छ। लोकप्रिय लेखक राम विन्दु श्रेष्ठसँग उनले लेखेका किताब ‘मेरो सोभियत सम्झनाहरु’ को साथमा उक्त कार्यक्रम हुन लागेको हो।
लेखक विन्दुले सोभियत रूस मार्फत इञ्जिनियेरिङ्गको अध्ययन गरेका हुन्। यस अन्तरसंवाद कार्यक्रममा उनले त्यहाँ आफु अध्ययनरत हुँदाको समयको अवस्था र अहिलेको अनुभव पनि आदान प्रदान हुने क्लबका अध्यक्ष दिनेश प्रधानले जानकारी दिए।
उक्त कार्यक्रम दिनको ३ बजे खौमा भक्तपुरको ख्वप छेंमा हुने अध्यक्ष प्रधानले बताए।
