काठमाडौं, माघ २७ । प्रधानमन्त्री पुष्पकमल दाहालसँग नेपालका लागि बंगलादेशका राजदूत सलाहुद्दिन नोमान चौधरीले शुक्रबार प्रधानमन्त्री तथा मन्त्रिपरिषद्को कार्यालयमा शिष्टाचार भेट गरेका छन् ।
भेटमा उनीहरुबीच नेपाल र बंगलादेशबीचको सम्बन्ध र द्विपक्षीय हितका विषयमा छलफल भएको प्रधानमन्त्रीको सचिवालयले जनाएको छ । सो अवसरमा दुई देशबीचको ऊर्जा व्यापार र सम्पर्क सञ्जाल विस्तार गर्ने विषयमा छलफल भएको थियो।
