काठमाडौँ, मंसिर ९ । ललितपुरको सानेपामा भारतीय नम्बर प्लेटको ट्रकले चार वटा सवारीसाधनमाथि ठक्कर दिएको छ। आइतबार १२:४५ बजे ललितपुर महानगरपालिकाको सानेपास्थित सडकमा युपी ४० टी ८१६२ नम्बरको ट्रकले चार वटा गाडीलाई ठक्कर दिएको हो।
दुर्घटनामा परी दुई जना घाइते छन्। उनीहरूको स्टार अस्पतालमा उपचार भइरहेको छ। उक्त ट्रकले बिए ५१४० नम्बरको कार, बा २ झ२६१ नम्बरको ट्याक्सी, बा २० च ४२६२ नम्बरको कार र बा ९ च ९३०३ नम्बरको कारलाई ठक्कर दिएको हो।
बिए ५१४० नम्बरको कार पूर्ण रूपमा क्षति पुगेको छ। ट्रक चालक र सहचालकलाई प्रहरीले नियन्त्रणमा लिएको छ। दुर्घटना हुँदा सडक केहीबेर अवरूद्ध बनेको थियो। अहिले सडक खुलाइसकेको छ।
Published Date: 24 November 2024
