काठमाडौं, कार्तिक १२ । सुनको भाउ आज उच्च मूल्यबाट तल झरेको छ । नेपाल सुन–चाँदी व्यवसायी महासंघका अनुसार सोमबार छापावाल सुनको भाउ प्रतितोला ४०० रुपैयाँले घटेर १ लाख ६७ हजार रुपैयाँ कायम भएको छ ।
यसअघि आइतबार (कात्तिक ११ गते) छापावाल सुन प्रतितोला १४ सय रुपैयाँले बढेर हालसम्मकै उच्च मूल्य १ लाख ६७ हजार ४०० रुपैयाँ कायम भएको थियो ।
यता, आज चाँदीको भाउ पनि घटेको छ । सोमबार चाँदी प्रतितोला २० रुपैयाँले घटेर २ हजार ६५ रुपैयाँ कायम भएको छ । यसअघि आइतबार चाँदीको भाउ प्रतितोला २ हजार ८५ रुपैयाँ कायम भएको थियो ।
अन्तर्राष्ट्रिय बजारमा आज सुन प्रतिऔंस २ हजार ७२९.७ डलर र चाँदी प्रतिऔंस ३३.२६ डलरमा कारोबार भइरहेको छ ।
