भारतको सेयर बजार नयाँ हाई विन्दुमा

काठमाडौं, असोज १ । भारतको सेयर बजार मंगलबार नयाँ हाई विन्दुमा पुगेको छ । यो समाचार तयार पार्दै गर्दा (२ बजेर ५२ मिनेटमा) ‘बीएसई सेन्सेक्स’ सूचकांक ८३ हजार १३० विन्दुमा पुगेको छ । यता, ‘निफ्टी-५०’ २५ हजार ४२५ विन्दुमा कारोबार हुँदैछ ।

यो हालसम्मकै उच्च विन्दु हो । पछिल्लो दिन भारतको सेयर बजारले नयाँ हाई बनाउँदै बढेको छ । बीएसई सेन्सेक्स इन्डेक्स १ वर्षमा करिब २३ प्रतिशत बढेको छ । यता, निफ्टी-५० भने २६ प्रतिशत बढेको छ ।

भारतीय बजारले आफ्नो उकालो यात्रा जारी राख्नुको कारण विदेशी संस्थागत लगानीकर्ताले (एफआइआइ) खरिद बढाउनु पनि रहेको ‘द हिन्दु’ ले जनाएको छ । ‘विदेशी पुँजी प्रवाह र देशको आर्थिक वृद्धिमा स्थिरताको अपेक्षाले लगानीकर्ता माझ सकारात्मक माहोल बनेको हुन सक्छ,’ जियोजिट फाइनान्सियल सर्भिसेजका अनुसन्धान प्रमुख विनोद नायरले भने ।