काठमाडौं, भदौ ११ । नेप्से आज १११.९६ विन्दुले घटेर २७८२.६० अंकमा आएको छ । बजार फराकिलो अंकले घटेपछि नेप्से सूचक पुनः २७ सयको लाइनमा झरेको छ । कारोबार रकम भने औसतमा राम्रो छ ।
आज १८ अर्ब ६४ करोड रुपैयाँभन्दा बढीको कारोबार भएको छ । ३ वटा कम्पनीमा सकारात्मक सर्किट लागेको छ । होटेल तथा पर्यटनबाहेक बाँकी सबै समूहका सूचक घटेका छन् ।
आज ३३० कम्पनीको ४ करोड ३८ लाखभन्दा बढी कित्ता सेयर कारोबार भएको छ । ६५ करोड ४२ लाखभन्दा बढीसहित कारोबार रकममा हिमालयन रिइन्सुरेन्स अग्रस्थानमा आएको छ ।
यसैगरी, दोस्रो र तेस्रो स्थानमा क्रमशः अपि पावर र अरुण भ्याली हाइड्रोपावर परेका छन् ।
