काठमाडौं, माघ २१ । स्वास्थ्य तथा जनसङ्ख्यामन्त्री पदम गिरीले स्वास्थ्य क्षेत्रमा अधिकतम सुधार र रुपान्तरण गर्ने प्रतिबद्धता व्यक्त गरेका छन्।
शनिबार राजधानीमा सम्पन्नएक कार्यक्रममा मन्त्री गिरीले जनताले आधारभूत स्वास्थ्य सेवामा परिवर्तनको अनुभूति गराउने प्रतिबद्धता व्यक्त गरे ।
“राष्ट्रिय स्वास्थ्य क्षेत्र धेरै समस्याहरूले घेरिएको छ। स्वास्थ्य क्षेत्रमा सुधार र रुपान्तरणका लागि आवश्यक पहल गर्ने छौँ,’ उनले भने । मन्त्रीले जनतालाई गुणस्तरीय सेवा दिने आश्वासन दिँदै स्वास्थ्य क्षेत्रमा हुने अनियमितता र विकृतिविरुद्ध लेख्न पत्रकारलाई आग्रह गरे ।
सोहि कार्यक्रममा स्वास्थ्य तथा जनसङ्ख्या राज्यमन्त्री डा तोशिमा कार्कीले जनतालाई गुणस्तरीय स्वास्थ्य सेवा उपलब्ध गराउन सरकार प्रतिबद्ध रहेको बताए।
