काठमाडौं, असार ३ । सरकार र आन्दोलनरत ट्यांकर व्यवसायीहरुबीच सहमति भएको छ ।
सोमबार सिंहदरबारस्थित उद्योग, वाणिज्य तथा आपूर्ति मन्त्रालयमा छलफलमा १५ दिन भित्र व्यवसायीहरुका माग सम्बोधन गर्ने र अध्ययन गर्न समिति बनाउने भएसँगै ट्यांकर व्यवसायीहरु पेट्रोलियम पदार्थको ढुवानी गर्न सहमत भएका हुन् । योसँगै अब पेट्रोल पम्पहरु खुल्ने भएका छन् ।
यसअघि ट्यांकर व्यवसायीहरुका विभिन्न संघ संस्थाको विरोधका कारण काठमाडौं उपत्यकामा पेट्रोलियम पदार्थको अभाव देखिएको थियो ।
थानकोटबाट आउने ट्यांकर व्यवसायीहरुले रोकेसँगै उपत्यकामा पेट्रोलियम पदार्थको अभाव भएको हो । जसले गर्दा काठमाडौंका अधिकांश पेट्रोल पम्पहरु बन्द भएका थिए ।
यो खबर पढेर तपाईलाई कस्तो महसुस भयो ?
+1
+1
+1
1
+1
+1
