काठमाडौं, जेठ २० । नेपाल पत्रकार महासंघको एसाेसिएट संस्था कार्टुनिष्ट क्लब नेपालकाे अध्यक्षमा बासु क्षितिज निर्वाचित भएका छन् । आइतबार काठमाडौं क्लबकाे अधिवेशनले बासु क्षितितलाई दाेस्राे पटक सर्वसम्मत रुपमा अध्यक्ष पदमा निर्वाचित गरेको हाे ।
क्लबले सबै पदमा सर्वसम्मत रुपमा नेतृत्व चयन गरेको छ । क्लबकाे उपाध्यक्षमा रवी मिश्र चयन भएका छन् । यसअघि उनी महासचिव थिए ।
यसैगरी महासचिवमा रवीन्द्र मानन्धर, सचिवमा भानु भट्टराई र काेषाध्यक्षमा सुजिता महर्जन निर्वाचित हुँदा सदस्यहरुमा दिनेश प्रधान, सानुराज डंगोल, पल्पसा मानन्धर, उमेशचन्द्र अधिकारी निर्वाचित भएका छन् ।
बाँकी २ जना सदस्य भने पछि मनाेनित हुने क्लबले जनाएको छ । क्लबले नेपाल पत्रकार महासंघको केन्द्रीय परिषद सदस्यमा अविन श्रेष्ठ र प्रदेश परिषद सदस्यमा केशवराज खनाल, सागर शाह र राजेश केसीलाई निर्वाचित गरेको छ ।
साथै उक्त कार्यक्रममा पूर्व अध्यक्ष अविन श्रेष्ठलाई सम्मान पनि गरेको थियो ।
Published Date: 02 June 2024
