मुम्बई, वैशाख २४ । बलिउड अभिनेत्री श्रीदेवीले यो संसारबाट विदा लिएको पाँच वर्षभन्दा बढी भैसकेको छ । श्रीदेवीको निधन भएको यतिका वर्षपछि पनि फ्यानले उनलाई सम्झिरहन्छन् ।
तिनै फ्यानहरुले अब श्रीदेवीको घरमा बस्न पाउने मौका प्राप्त भएको छ । श्रीदेवीले वर्षौँ पहिला चेन्नईमा एउटा घर किनेकी थिइन् । त्यो उनको पहिलो घर थियो, जुन उनले बोनी कपूरसंग विवाह गरेपछि किनेकी थिइन् ।
श्रीदेवीकी छोरी जान्हवी कपूरको बाल्यकाल पनि यहि घरमा बितेको थियो । यो घरमा श्रीदेवीसंग सम्बन्धित विभिन्न सम्झनाहरु गाँसिएको छ । यहि घरमा बस्ने फाइदा फ्यानहरुले उठाउन सक्ने भएका छन् । वास्तवमा श्रीदेवीको उक्त घरलाई बीएनबीद्वारा ११ प्रख्यात प्रोपर्टीको सूचिमा समावेश गरिएको छ ।
श्रीदेवीको उक्त घरमा निर्धातिर भाडा तिरेर जो–कोहि पनि बस्न सक्ने भएका छन् । उक्त घरको ढोका सेलेक्टेड बीएनबी यूजर्सका लागि खोलिने भएको छ । उक्त घरमा वन नाइट स्टे गर्दा जान्हवीसंग कुराकानी गर्ने मौका पनि प्राप्त हुने बताइएको छ ।
लीकेज र हेरचाहको समस्याका कारण श्रीदवीले उक्त घर छाडिदिएकी थिइन् । यद्यपि श्रीदेवीको निधनपछि बोनी कपूरले यसको मर्मत गरेका थिए
