काठमाडौँ, माघ १३ । पाकिस्तानको मुद्रा बिहीबार अमेरिकी डलरको तुलनामा २५५ को रेकर्ड न्यूनमा झरेको छ। पाकिस्तानी रुपैयाँ ₹ २४ ले घट्यो र १ बजे अमेरिकी डलरको तुलनामा ₹ २५५ मा व्यापार भइरहेको थियो। यो दर अहिलेसम्मकै सबैभन्दा कमजोर हो।
देशका कतिपय ठाउँमा एक प्याकेट पिठो तीन हजारसम्ममा बिक्री भइरहेको छ । खानाको लागि लडिरहेका र खानाको ट्रकलाई पछ्याउने मानिसहरूको भिडियो सामाजिक सञ्जालमा भाइरल भइरहेको छ।
सरकारले पनि बजारमा देखिएको अराजकता नियन्त्रणका लागि भन्दै अन्तरबैंक दर स्थिर राखेको थियो । एक्सचेन्ज कम्पनीले कालोबजारी, अन्तरबैंक र खुलाबजारमा देखिएको भाउको अन्तर अन्त्य गर्ने आफूहरूको उद्देश्य भएको जनाएका थिए । पाकिस्तानमा कम विदेशी मुद्रा रिजर्भले ठूलो खाद्य मुद्रास्फीति निम्त्याएको छ। पाकिस्तानी अर्थमन्त्री इसहाक डारले नियुक्तिलगत्तै डलरको मूल्य २०० रुपैयाँभन्दा नबढ्ने दाबी गरेका थिए ।
