काठमाडौं, माघ १३ । कलाकार नाजिर हुसेनको मुख्य अभिनय रहेको नयाँ नेपाली फिल्म ‘गुलावी’ को पहिलो पोस्टर सार्वजनिक भएको छ । महिला निर्देशक समुन्द्र भट्टको निर्देशनमा तयार भएको फिल्ममा अभिनेता नाजिर हुसेन ट्रान्सवुमनको भूमिकामा प्रस्तुत भएका छन् ।
सार्वजनिक पोष्टरमा नाजिरलाई गाजल, टिकी र नथिया लुकमा गम्भिर भएको देख्न सकिन्छ । नेपालमा पहिलो पटक पूर्ण रुपमा ट्रान्स स्टोरीमा निर्मित यस फिल्मका लागि नाजिरले १६ केजी तौल समेत घटाएका छन् ।
यो फिल्ममा नाजिर गुलावी पात्रको मुख्य भूमिकामा देखिनेछन् भने अभिनेत्री संचिता लुइँटेलका साथमा सुशिल सिटौला, राजकुमार घोष, शिशिर राणा, अनुपम श्रेष्ठ, विशाल पहारी लगायतका कलाकार पनि यस सिनेमा देख्न सकिन्छ ।
द स्काइ ओसन इन्टरटेन्मेन्टको ब्यानरमा निर्मित गुलावीलाई आलोक शुक्लाले छायांकन गरेका हुन् भने संगीत भने लेखु सहयात्री र सान भुषालले भरेका छन् ।
