काठमाडौँ, माघ १३ । बिहीबार हालसम्मकै सर्वाधिक महंगो भएको सुन शुक्रबार भने सस्तिएको छ। आज सुन तोलामा एक हजार १०० रुपैयाँले गिरावट भएको हो । चाँदीको भाउ भने यस दिन स्थिर रहेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख पाँच हजार ८०० रुपैयाँमा झरेको छ । यस्तै, तेजाबी सुन प्रतितोला एक लाख पाँच हजार ३०० रुपैयाँमा कारोबार भइरहेको छ । हिजो सुन तोलामा ७०० रुपैयाँले बढेर प्रतितोला एक लाख ६ हजार ९०० रुपैयाँको उच्च स्तरमा पुगेको थियो ।
साताको अन्तिम कारोबार दिन, चाँदीको मूल्य भने स्थिर रहेको छ । आज चाँदी प्रतितोला एक हजार ३८० रुपैयाँ कायम रहेको छ ।
हिजो चाँदीको मूल्य वृद्धि भएको थियो । हिजो चाँदी प्रतितोला १५ रुपैयाँले उकालो लागेको थियो ।
