काठमाडौँ, माघ १० । उपप्रधानमन्त्री तथा गृहमन्त्री रवि लामिछानेसँग नेपालका लागि अमेरिकी राजदूत डीन आर थम्पसनले आज शिष्टाचार भेट गरेका छन् । गृह मन्त्रालयमा भएको भेटवार्तामा दुई देशबीचको सम्बन्ध र आपसी सहयोगलाई थप मजबुत बनाउने विषयमा विचारविमर्श भएको छ ।
गृहमन्त्रीको सचिवालयका अनुसार नेपालको पूर्वाधार विकासमा अमेरिकी सहयोग, शिक्षा र स्वास्थ्य क्षेत्रमा जनताको पहुँच वृद्धि, जलवायु परिवर्तनको असर न्यूनीकरण, ऊर्जा विकास र प्रविधि हस्तान्तरणलगायतका विषयमा छलफल भएको थियो । उक्त भेटमा अमेरिकी दूतावासका डेप्युटि चिफ अफ मिसन जेसन पी. मिक्स तथा प्रतिनिधिहरु तथा परराष्ट्र तथा गृह मन्त्रालयका अधिकारीहरुको समेत उपस्थिति रहेको थियो ।
Published Date: 24 January 2023
