काठमाडौं, कार्तिक १२ । आइतबार नेप्से परिसूचक २८.१८ अंकले घटेर १८७५.६५ अंकमा आएको छ ।
आज कारोबार रकम पनि करिब ७४ करोड रुपैयाँमा सीमित भएको छ । दोहोरो अंकले घटेपछि नेप्से सूचक पुनः १८ सयकै लाइनमा झरेको हो ।
आइतबार सबै समूहका सूचक घटेका छन् । आज २८३ कम्पनीको करिब २७ लाख १२ हजार कित्ता सेयर कारोबार भएको छ । ४ करोड रुपैयाँभन्दा बढीसहित कारोबार रकममा नेसनल हाइड्रोपावर अग्रस्थानमा रहेको छ ।
यसैगरी, दोस्रो र तेस्रो स्थानमा क्रमशः हाथवे इन्भेष्टमेन्ट नेपाल र सिटिजन लाइफ इन्सुरेन्स परेका छन् ।
