काठमाडौँ, असोज २१ । आइतबार नेप्से परिसूचक ३५.६७ अंक घटेर १९२१.२४ विन्दुमा झरेको छ। त्यसैगरी, यस दिन सेन्सेटिभ इण्डेक्स ५.७९ अंक घटेको छ भने फ्लोट इण्डेक्स २.४९ अंक र सेन्सेटिभ फ्लोट इण्डेक्स २.०७ अंक घटेको छ।
आज २८९ स्टकको ५९ हजार १७१ पटकको कारोबारमा १ अर्ब ८० करोड १७ लाख रुपैयाँ बराबरको ५८ लाख १५ हजार कित्ता शेयर खरिदबिक्री भएको छ।
कारोबार रकमका आधारमा आज शिवम् सिमेन्ट्स शीर्ष स्थानमा रहेको छ। सो कम्पनीको ६ करोड ७३ लाख ८१ हजार रुपैयाँ बराबरको शेयर खरिदबिक्री भएको छ। त्यस्तै, रिलायबल नेपाल लाइफ इन्स्योरेन्सको साढे ५ करोडको शेयर कारोबार भएको छ भने नबिल बैंकको ५ करोड ३४ लाख रुपैयाँको शेयर किनबेच भएको छ।
आज १३ वटै उपसमूहको परिसूचक घटेको छ। जसमध्ये जलविद्युत उपसमूहको परिसूचक सर्वाधिक २.७२ प्रतिशत घटेको छ। त्यस्तै, आज होटल तथा पर्यटन, लगानी र जीवन बीमा उपसमूहको परिसूचक २ प्रतिशतभन्दा बढी घटेको छ भने बाँकी उपसमूहको परिसूचक १ प्रतिशतभन्दा बढी घटेको छ।
