काठमाडौं, भदौ २६ । प्रतिनिधि सभाको बैठक बस्ने समय र मिति परिवर्तन भएको छ । सङ्घीय संसद् सचिवालयका महासचिव डा. भरतराज गौतमले आज सूचना जारी गर्दै भोलि बुधबारका लागि तय भएको बैठक एक दिन ढिला गरी बिहीबार बस्ने बताएका छन्।
महासचिव गौतमका अनुसार बुधबार दिउँसो १ बजेका लागि निर्धारित बैठक बिहीबार अपराह्न ३ बजेका लागि निर्धारण गरिएको छ । निधन भएका नेकपा (एमाले) का उपाध्यक्ष सुवासचन्द्र नेम्वाङको निधनप्रति शोक प्रस्ताव प्रयोजनका लागि प्रतिनिधिसभा नियमावली २०७९ को नियम ६ को उपनियम (३) बमोजिम बैठक २८ गते ३ बजेका लागि बैठक तय भएको सूचनामा जनाइएको छ ।
संविधानसभाका अध्यक्ष समेत रहेका नेता नेम्वाङको आज बिहान १:३० बजे निधन भएको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
