मुम्बई, भदौ १७ । बलिउड अभिनेता सलमान खानले आफ्नो नयाँ फिल्म ‘टाइगर–३’ आगामी दीपावलीको अवसर पारेर प्रदर्शनमा आउने घोषणा गरेका छन् । यो फिल्म दीपावलीको पहिलो दिन अर्थात काग तिहारको एक दिनअघि कात्तिक २४ गते शुक्रवारदेखि प्रदर्शनमा आउने छ ।
शनिवार फिल्मको फस्टलूक पोस्टर शेयर गर्दै अभिनेता खानले यो कुराको जानकारी दिएका हुन् । टाइगर जिन्दा है, वान तथा पठान फिल्ममा प्रस्तुत गरिएको कथाको अघिल्लो चरण टाइगर–३ मा प्रस्तुत गरिएको सार्वजनिक पोस्टरमा उल्लेख छ ।
पोस्टरमा अभिनेता सलमान खान तथा अभिनेत्री कट्रिना कैफलाई लडाकूको रुपमा प्रस्तुत गरिएको छ । आदित्य चोपडाद्वारा निर्मित यो फिल्मको निर्देशन मनीष शर्माले गरेका हुन् । एसराज फिल्म्सको यो फिल्म हिन्दी, तमिल तथा तेलगु भाषामा प्रदर्शन हुने छ । अभिनेता खानले तीन भाषाका पोस्टर सार्वजनिक गरेका हुन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
