मुम्बई, भदौ ५ । बलिउड अभिनेता सलमान खान नयाँ हेयर स्टाइलमा देखिएका छन् । बलिउडमा ट्रेण्ड सेटर अभिनेताको छवि बनाएका सलमानलाई आइतबार राति नयाँ हेयर स्टाइलमा देखिएको हो ।
आइतवार अबे राति मुम्बईको एउटा रेष्टुराँ बाहिर कालो रंगको पहिरनमा देखिएका सलमान खान नयाँ हेयर स्टाइलमा निकै हेण्डसम देखिएका छन् ।
सलमान खानले करिव मुडुलो नै हुनेगरी कपाल काटेका छन् । कतिपयले यसलाई आर्मी कट हेयर स्टाइल समेत भनेका छन् ।
कतिपयले सलमानले आफ्नो आगामी फिल्मका लागि नयाँ हेयर स्टाइल बनाएको हुनसक्ने अनुमान गरेका छन् । किनभने उनी आफ्नो फिल्मको चरित्र अनुसार हेयर स्टाइल परिवर्तन गरिरहन्छन् ।
उनको नयाँ हेयर स्टाइलप्रति सामाजिक सञ्जालमा विभिन्न प्रतिक्रिया आइरहेका छन् ।
एक जनाले लेखेका छन्– ‘विग निकालेको हो र ?’ अर्का एक व्यक्ति लेख्छन्–‘तेरे नाम २ अथवा सुल्तान २ को तयारी हो ?’ तेस्रो प्रतिक्रिया छ– ‘हेयर ट्रान्सप्लान्ट गरिरहनु भएको हो र ?’
Published Date: 22 August 2023
