भक्तपुर, भदौ ५ । भक्तपुरका जनतामा देखिएको आँखा पाक्ने रोगसम्बन्धी जनचेतना जगाउन र रोकथामगर्न स्वास्थ्यकर्मीहरु टोल टोल जान निर्देशन दिएको छ।
भक्तपुर नगरपालिकाका प्रमुख सुनिल प्रजापतिले वडा नर्स र विद्यालय नर्सहरुको भेलामा बोल्दै नर्सहरुलाई जनतालाई समस्या परेको बेला सहयोग गर्न निर्देशन दिए।
“विद्यालय बन्द गर्दा विद्यार्थीहरुको पढाइमा असर पर्छ । संक्रमित विद्यार्थीहरुले समाजमा व्यापक रुपमा फैलाउन सक्छ । संक्रमित सम्भावना भएका विद्यार्थीहरुलाई उपचार गर्ने र घर फर्काउन सल्लाह दिनुपर्छ ।,”उनले भने
उनले वडा नर्सहरु जनताको घरघरमा गएर सेवा गर्न आग्रह गर्दै नर्स र स्वास्थ्य स्वयम्सेवीहरुलाई राम्रो व्यवहार गरेर जनताको मन जित्नुपर्ने बताए।
Published Date: 22 August 2023
