मुम्बई, साउन ३० । ‘आदिपुरुष’ को असफलतापछि अभिनेता प्रभासलाई ठूलै झट्का लागेको छ । ‘आदिपुरुष’ बाट गरिएको अपेक्षा टुटेपछि प्रभासका फ्यानले अब ‘सालार’ र ‘कल्कि २८९८’ बाट ठुलो अपेक्षा राखेका छन् ।
तर यी सबै खबरबीच अब प्रभासले अभिनयबाट ब्रेक लिने योजना बनाएको समाचार सार्वजनिक भएको छ । सालार र कल्कि २८९८ को छायांकन सम्पन्न भएपछि प्रभासले केहि समयका लागि अभिनयबाट ब्रेक लिन लागेका हुन् ।
प्रभास अहिले घुँडाको गम्भीर दुखाईको सामना गरिरहेका छन् । यहि कारण उनले लामो ब्रेक लिएर घुँडाको सर्जरी गराउने बारे सोच्दैछन् ।
प्रभासले अभिनयबाट ब्रेक लिने निर्णय आफ्नो स्वास्थ्यलाई ध्यान दिएर लिएका हुन् । त्यसैले प्रभासले आफ्ना सम्पूर्ण काम नोभेम्बरसम्म सकेर डिसेम्बरदेखि ब्रेक लिने योजना बनाएका छन् ।
तर प्रभास अथवा उनीसंग सम्बन्धित कुनै पनि व्यक्तिले प्रभासको ब्रेक लिने बारेमा कुनै अफिशियल स्टेटमेन्ट दिएका छैनन् ।
