काठमाडौँ, साउन १४ । नेपाल दूरसञ्चार प्राधिकरणले टेलिकम सेवाप्रदायकको अफरमा कडाई गरेको छ। अब नेपालका टेलिकम सेवाप्रदायकले बर्षमा सय ओटासम्म मात्रै फेस्टिभल अफर ल्याउन पाउने भएका छन् ।
अफरको नाममा विकृति फैलिएर उपभोक्ताले खासै लाभ पाउन नसकेको भन्दै नियामक नेपाल दूरसञ्चार प्राधिकरणले अफरमा कडाई गरेको हो । नयाँ नियम अनुसार भ्वाइस सेवाप्रदायकले अब आर्थिक बर्षमा १०० ओटा फेस्टिभल अफर र २५ ओटा प्रमोसनल अफर मात्रै ल्याउने पाउने छ ।
यस्ता अफर ल्याउदा ७ दिनअघि नै प्राधिकरणमा जानकारी दिनुपर्ने र यी अफरको अवधि १५ दिनदेखि तीन महिनासम्म रहने बताइएको छ ।
सेवाप्रदायकले फेस्टीभल अफर र प्रमोशनल अफरको नाममा दुई प्रकारका अफरहरु सार्वजनिक गर्न पाउँछन् । जुन एक पटकमा १० र एक आर्थिक बर्षमा १ सय ओटा अफर ल्याउन पाईने व्यवस्था छ ।
यस्तै एक सेवाप्रदायकले प्रमोशनल अफर उपभोत्ताले बुझ्नेगरी ल्याउन प्राधिकरणले निर्देशन समेत दिएको छ ।
Published Date: 30 July 2023
