काठमाडौं, पुष २२। आजदेखि श्री स्वस्थानी व्रत सुरु भएको छ ।
प्रत्यक वर्षको पौष शुक्ल पूर्णिमादेखि सुरु हुने श्री स्वस्थानी व्रत आज बाट सुरु भएको छ। आज देखि माघ शुक्ल पुर्णिमासम्म गरी यो व्रत एक महिनासम्म रहन्छ । आजदेखि घर घरमा श्रद्धाभक्तिपूर्वक श्री स्वस्थानीको स्वस्थानी कथा सुन्ने र सुनाउने गरिन्छ ।
स्वस्थानी व्रत सुरु भएको दिन आजदेखि काठमाडौँको साँखु सालीनदीमा मेलासमेत लाग्ने गर्दछ । सालीनदीको पानीले नुहाएमा विभिन्न रोग नष्ट हुने, रोग लागेकाको रोग निको हुने र शारीरिक तथा मानसिकरूपमा स्वस्थ रहने धार्मिक आस्था र विश्वास छ ।
यो संगै भक्तपुरको हनुमानघाटमा पनि श्री स्वस्थानीको व्रत बस्ने श्रदालु भक्तजनहरुको भक्तिपूर्ण उपस्थिति बिहान सबेरै देख्न सकिन्छ।
Published Date: 06 January 2023
